Подобрување на пристапот до примарна медицинска нега за лицата кои се погодени од сиромаштија со фокус на руралните области

Проект ТРАНСАКТ:

Трансформирање на глобалните општествени предизвици во реални локални активности поддржан од Австриското Сојузно Министерство за социјални политики, здравство, нега и заштита на потрошувачи.

Преку проектот за прв пат во Република Северна Македонија, и во регионот ќе се пилотира услуга – Медицинска сестра во заедницата со цел добрите практики од ЕУ за осигурување на здравствена и социјална заштита на граѓаните, а особено на лицата во социјален ризик да се применат и во оваа држава.

Медицинска сестра во заедницата е социјална услуга што се фокусира на здравјето на населението со акцент на превенцијата и промоцијата на здравјето и адресирање на здравстевни проблеми во заедницата. Тоа е практика на промовирање и заштита на здравјето на поединците и семејствата, како и на групите и заедниците, преку примена на знаењата од медицинската наука, општествените науки и јавното здравје. Овој пристап вклучува застапување за поединци и семејства, групи и заедници и нивните здравствени грижи и проблеми, како и развој и планирање на мрежи во јавниот живот кои се однесуваат на прашањата за пристапот без бариери до нега, здравствени и социјални услуги. Со мултиперспективен пристап кон здравјето, грижата се одвива во заедницата, т.е. ч. во домовите на луѓето.

Цел на проектот:

Подобрување на пристапот до примарна медицинска нега за лицата кои се погодени од сиромаштија со фокус на руралните области

Општи цели на проектот

Обезбедување еколошки, социјални и економски ресурси за одржување на емоционалната и физичката благосостојба на луѓето во сиромаштија
Обезбедување пристап до здравствени и социјални услуги за луѓето во сиромаштија преку воведување иновативни програми и зајакнување на соработката помеѓу националните и локалните власти, граѓанските организации и бизнисите.
Олеснување на пристапот до здравствени услуги, промовирање здрава и продуктивна заедница
Обезбедување прифатливи здравствени услуги за луѓето во сиромаштија во руралните и тешко достапните области во заедницата
Создавање и одржување опкружување со оптимално здравје за жените и мажите од сите возрасти (вклучувајќи ги децата, адолесцентите и постарите лица, особено лицата во сиромаштија) со елиминирање на родовите ограничувања
Придонес за еднаков пристап до социјалните установи и услуги за ранливите групи
Зајакнување на капацитетите на граѓанските организации
Подобрување на соработката помеѓу релевантните чинители во социјалниот и здравствениот сектор
Ефикасно и правично спроведување на политиките и програмите за јавно здравје.

Специфични проектни цели

Трансфер на знаење
Подобрување на здравствениот и социјалниот статус на ранливите групи, особено на оние кои живеат во сиромаштија
Имплементација на моделот на медицинска сестра во заедницата во руралните средини во Северна Македонија врз основа на искуствата во Австрија.
Воспоставување здравствени услуги во заедницата – грижа на заедницата за одржување, заштита и подобрување на здравствената состојба на населението и заедниците, особено оние кои живеат во сиромаштија
Зголемување на капацитетот и одржливоста на ГО во Северна Македонија во обезбедувањето социјални и здравствени услуги со фокус на луѓето кои живеат во сиромаштија
Да се подигне свеста кај носителите на одлуки и персоналот на министерствата/владините агенции кои се занимаваат со прашања од социјални услуги и здравствена заштита за важноста од еднаков пристап до здравствените и социјалните услуги и создавањето и испораката на здравствени и социјални услуги кои ги задоволуваат потребите на заедницата
Спроведување на евалуации за да се утврди влијанието на програмите врз здравствената состојба на поединците и популацијата.
Користење на резултатите од пилотирањето на услугата за понатамошно истражување, идентификување на можности за да се влијае на обезбедувањето нега, користење на здравствените ресурси и развој на локални, национални и регионални здравствени политики за промовирање на здравјето и спречување на болести.

Проектот е предводен од три организации од Република Австрија во партнерство со Центарот за развој и едукација како лиценциран давател на социјална услуга на територијата на општините Прилеп, Кривогаштани и Долнени.

Активностите ќе се спроведуваат во заедничка соработка на општина Прилеп, општина Кривогаштани, општина Долнени, ЈУ МЦСР Прилеп и Градска Болница Прилеп, и општина Градско.

Во рамките на проектот предвидена е набавка на опрема за подобрување на мобилноста кај лица со проблеми со мобилност, набавка на медикаменти за семејства кои живеат во сиромаштија, социјални пакети.

Предвиден е ангажман на 10 медицински сестри, и 5 социјални работници и психолози се со цел да се овозможи пристап до сеопфатна услуга на индивидуи/семејства кои живеат во сиромаштија со фокус на руралните средини.