ЈАВЕН ПОВИК

за доставување на понуди за изработка на „Систем за евиденција и следење на посети кај корисници на социјална услуга Помош и нега во домот“

Здружение Центар за развој и едукација Прилеп објавува јавен повик за доставување на понуди за избор на економски оператор / правно или физичко лице за изработка, имплементација и пуштање во употреба на информациски систем за евиденција и следење на посети кај корисници на социјална услуга „Помош и нега во домот“.

1. Предмет на повикот

Предмет на овој повик е ангажирање на изведувач за:

• анализа, дизајн, развој и имплементација на веб-базиран информациски систем;
• изработка на административен веб-панел;
• изработка на мобилно оптимизирана PWA апликација за негуватели;
• воспоставување систем за GPS евиденција на посети;
• генерирање извештаи и систем за известување;
• тестирање, обука и пуштање во продукција.

Системот треба да овозможи централизирано управување и следење на посетите што негувателите ги реализираат кај корисниците на услугата, со можност за евиденција на:

• време на посета,
• GPS локација,
• реализирани услуги,
• алерти,
• извештаи,
• следење на исполнување на индивидуални решенија за корисници.

2. Опфат на работата

Избраниот понудувач ќе треба да обезбеди:

• Развој на backend API архитектура;
• Веб-панел за администратори и координатори;
• PWA / мобилен интерфејс за негуватели;
• Управување со корисници, негуватели и координатори;
• Модул за планирање и евиденција на посети;
• GPS clock-in / clock-out функционалност;
• Модул за чек-листи и алерти;
• Генерирање PDF и Excel извештаи;
• Систем за ревизиски дневник;
• Повеќејазичен интерфејс (македонски, албански и англиски);
• Усогласеност со ЗЗЛП и GDPR принципи;
• Хостирање и техничка документација;
• Обука на корисници.

3. Потребни квалификации

Право на учество имаат:

• правни лица,
• трговци поединци,
• физички лица со релевантно искуство.

Понудувачите треба да поседуваат:

• искуство во развој на веб и мобилни системи;
• искуство со API архитектури и бази на податоци;
• познавање на безбедносни стандарди и заштита на лични податоци;
• минимум една реализирана слична ангажираност ќе се смета за предност.

4. Содржина на понудата

Понудата треба да содржи:

1. Основни информации за понудувачот;
2. Кратка биографија / профил на компанијата;
3. Референтна листа на претходно реализирани проекти;
4. Техничка понуда и предложена методологија;
5. Временска рамка за реализација;
6. Финансиска понуда со вклучени сите трошоци;
7. Контакт лице и контакт информации.

5. Времетраење на ангажманот

Планираниот период за реализација е приближно 40 работни недели од денот на потпишување на договорот.

6. Критериуми за избор

Изборот ќе се врши врз основа на:

• квалитет на техничката понуда,
• релевантно искуство,
• предложена методологија,
• рок за реализација,
• финансиска понуда.

Само избраните кандидати може да бидат контактирани за дополнителни информации или интервју.

7. Начин и рок за доставување на понуди

Понудите треба да се достават електронски на e-mail: cre.prilep@gmail.com

Со назнака:

„Понуда за изработка на Систем за евиденција и следење на посети“

Краен рок за доставување на понуди: 31.05. 2026 година до 16:00 часот.

Некомплетните и ненавремено доставените понуди нема да бидат разгледувани.

8. Дополнителни информации

Техничката спецификација на системот може да биде доставена на заинтересираните понудувачи по барање.